«Қоғамдық келісім» КММ

 А. ж. 21 желтоқсанында «Қоғамдық келісім» КММ «Қазақстанның орыс, славян және казак ұйымдарының қауымдастығы» Ақмола филиалы ұйымдастырған Жаңа жылдық концерт өтті.

А. ж. 20 желтоқсанында «Қоғамдық келісім» КММ Қазақстан халқы Ақмола ассамблеясы жанындағы Журналистер клубының отырысы өтті. Облыстық ассамблея хатшылығының меңгерушісі М. Ю. Тохаева өз сөзінде клуб мүшелерінің назарын Қазақстан халқы Ассамблеясының 25-жылдығына орай ҚХАА өткізетін іс-шараларды кеңінен, жоспарлы түрде жариялауға аударды.

А.ж. 12 желтоқсанында Нұр-Сұлтан қ. Достық үйінде Қазақстан халқы Ассамблеясының ғылыми-сараптамалық кеңесінің кеңейтілген отырысы өтті, онда қоғамдық келісім мен жалпы ұлттық бірліктің қазақстандық моделіне арналған республикалық ғылыми жобалар байқауының қорытындысы шығарылды.

Бас Гран-при жүлдесін А.Мырзахметов атындағы Көкшетау университетінің профессоры, психология ғылымдарының докторы, Қазақстан халқы Ақмола ассамблеясы жанындағы ғылыми-сараптамалық топтың мүшесі Кукубаева Асия Хайрушевна жеңіп алды. Оның «Қазақстан жастарының сана-сезімін қалыптастыру ерекшеліктері» ғылыми жобасы ең үздік деп танылды.

А. ж. 12 желтоқсанында «Қоғамдық келісім» КММ этномәдени бірлестіктер, үкіметтік емес, жастар ұйымдары, БАҚ өкілдерінің қатысуымен Қазақстан Республикасының Тәуелсіздік күніне арналған салтанатты іс-шара өтті.

Ағымдағы жылдың 5 желтоқсанында «Қоғамдық келісім» КММ Ш. Уәлиханов атындағы КМУ жалпы тарих және әлеуметтік-гуманитарлық пәндер кафедрасы мен Қазақстан халқы Ақмола ассамблеясы бірлесіп ұйымдастыруымен Қазақстан Республикасының Тәуелсіздік күніне арналған «Ел бірлігі-біздің ең құнды игілігіміз» атты диалогтық алаң өтті.

Іс-шараға ҒСТ мүшелері, ғалымдар, студент жастар қатысты.

2019 жылдың 4 желтоқсанында «Қоғамдық келесім» КММ Қазақстан халқы Ақмола ассамблеясының футбол командасының мүшелерімен кездесу өтті.

ҚХАА құрамасы сегіз елдің және халықаралық ұйымдардың спорт командалары қатысқан халықаралық футбол турнирінің жеңімпазы атанды.

2019 жылғы 29 қараша күні «Көкшетау» МС облыс әкімі, Қазақстан халқы Ақмола Ассамблеясының төрағасы Маржықпаев Е. Б. жетекшілігімен «Бірлік пен келісім – қоғамның әлеуметтік жаңғыруының негізі» атты күн тәртібіндегі Қазақстан халқы Ақмола Ассамблеясының XXII сессиясы өтті.

Сессия жұмысына облыстық ассамблея мүшелері, жергілікті атқарушы және мемлекеттік органдардың, қоғамдық бірлестіктердің, жастар ұйымдарының, бұқаралық ақпарат құралдарының өкілдері қатысты.