«Қоғамдық келісім» КММ

Көкшетаудағы Достық үйінде Ақмола облыстық Қазақстан халқы ассамблеясының Кеңесі өтті.

А.ж. 14 қазаны күні «Қыз болашағы - ел болашағы» республикалық онкүндігі аясында Көкшетау қ. қазақ қалалық кітапханасында Қазақстан халқы Ақмола ассамблеясы жанындағы Аналар кеңесінің қолдауымен «Қыз қылығымен көрікті» атты «дөңгелек үстелдегі» әңгіме өтті. Оған қыздар клубының жетекшілері, психологтар, көп балалы аналар, студент жастар қатысып, қыздардың рухани, өнегелі тәлім-тәрбиесі, олардың отбасылық өмірге дайындығы туралы сұхбаттасты.

Дәстүр бойынша қарттарға қолдау көрсету айлығы аясында Қазақстан халқы Ақмола ассамблеясы жыл сайын облыстағы этномәдени бірлестік өкілдері қатарындағы еңбек ардагерлерін қолдау жөніндегі қайырымдылық акциясын өткізіп келеді. Осы жылы облыстық ассамблея атынан 60-тан аса зейнеткер азық-түлік пакеттерін алды.

Ақмола облысының Қоғамдық келісім кеңесінің мүшелері а.ж. 27 қыркүйегі күні Алматы қ. өткен Қазақстан халқы Ассамблеясының Қоғамдық келісім кеңестерінің «Қазақстандықтардың тұрмыс сапасын жақсартудағы Қоғамдық келісім кеңестерінің рөлі» атты республикалық форумының кеңейтілген отырысына қатысты.

29.09.2019 жылы Көкшетау қ. «Достар» мәдениет сарайында «Күшіміз – бірлікте!» атты IV республикалық орыс және казак әнінің қайырымдылық фестивалі өтті. Фестивальді Қазақстан халқы Ақмола ассамблеясының қолдауымен «Ақмола облысының орыс қауымы» қоғамдық бірлестігі мен «Жаңа собор» қайырымдылық қоры ұйымдастырды.

Мерекенің қонақтарын епископ Ақмола және Көкшетау Серапионы және Қазақстан халқы Ақмола ассамблеясы хатшылығының меңгерушісі М. Тохаева қошеметтеді.

Фестиваль нағыз халық әуенінің шашуына айналды. Көкшетау қ. «Орыс әні» халықтық ансамблі мен «Молодушки» вокал тобы, Петропавл қ. «Звонница-Наследие» вокалдық хореографиялық үлгілі ансамблі, Қостанай қ. «Казачья Воля» орыс казак және славян вокал ансамблі, Нұр-Сұлтан қ. «Богатица» орыс және казак әнінің ансамблі мен «Казачья Слобода» ансамблі өз шеберлігін паш етті. Көрермендер құлаққа таныс әндерді шырқаған әртістердің өнерін ыстық ықыласпен қабылдады.