Медиация кеңесінің отырысы

А. ж. 11 маусымда Қазақстан халқы Ақмола ассамблеясы жанындағы Медиация кеңесінің отырысы өтті.

Кеңестің мақсаты - медиация институтын дамыту, медиация бойынша облыстық Ассамблеяның қоғамдық құрылымдарының қоғамдық келісім саласындағы қызметін үйлестіру және жүйелеу.

«Қоғамдық келісім» КММ басшысының орынбасары А. М. Раисов өз сөзінде, бүгіндері медиация Қазақстан халқы Ақмола ассамблеясы қызметінің басым бағыттарының бірі ретінде,  дауларды реттеудің, қоғамдағы этносаралық қақтығыстарды шешудің маңызды құралы болып табылатынын атап өтті.

Толығырақ

Медиация – даулар мен жанжалдарды шешу құралы

Қазақстан халқы Ассамблеясының жұмысындағы басым бағыттардың бірі медиация болып саналады, өйткені ол жанжалды достық жолмен реттеуге, оның барлық тараптарын тиімді шешім қабылдауға тартуға бағытталған, ал соттағы шешім тараптардың бірін қанағаттандырмауы мүмкін. Яғни, мұнда жеңілгендер мен жеңімпаздар жоқ, өйткені жағдайдан шығу жолы өзара қолайлы.

Бүгінгі таңда медиация институты еңбек дауларын, этносаралық қақтығыстарды шешудің танымал құралына айналып, өзінің тиімділігі мен қажеттілігін дәлелдеді. Соңғы уақытта медиацияға деген сенімнің айтарлықтай артқандығы да байқалады. Адамдар даулы жағдайды шешу үшін медиатордың қызметіне бұрынғыдан көбірек жүгінуде.

Қазіргі уақытта «Қоғамдық келісім» КММ медиация кабинеті жұмыс істейді.

Толығырақ

Достық үйіне экскурсия

7-10 маусым аралығында «Қоғамдық келісім» КММ Ақан сері атындағы колледж студенттері экскурсияға келді. Колледж студенттерін Достық үйінің немен айналысатыны, Қазақстан халқының достығы мен бірлігін нығайту бойынша қандай жұмыстар атқаратыны қызықтырды.

Экскурсия барысында тыңдаушылар этномәдени бірлестіктер үшін ресурстық, мәдени және әдістемелік орталық болып табылатын, этностардың бірлігі, этносаралық келісім, жалпыазаматтық бірегейлік идеяларын қалыптастыру, қазақстандық патриотизмді насихаттаумен, мәдени-бұқаралық іс-шараларды өткізумен айналысатын облыстық Достық үйінің қызметімен танысты.

Толығырақ

ЖОО сыйлық

А. Мырзахметов атындағы Көкшетау университеті жанында Қазақстан халқы ассамблеясы кафедрасы жұмыс істейді. «Қоғамдық келісім» КММ облыста орын алып жатқан  этносаяси процестерге ғылыми-сараптамалық бағалауды қамтитын ақпарат және материалдармен ҚХАА қамтамасыз ететін кафедра оқытушыларымен тығыз ынтымақтастық жасайды.

Толығырақ

Кітап тұсаукесері

А. ж.  8 маусымында М. Жұмабаев атындағы облыстық кітапханада еңбек ардагері, Ақмола облыстық «Қазақ тілі мен мәдениеті» қоғамдық бірлестігінің төрағасы М.Қ. Қиықовтың өмірі мен қызметіне арналған «Елім деп соққан егіз жүрек» кітабының тұсаукесері өтті. Кітаптың авторлары журналистер – Б.Баяділов және Д. Ахметжанов. Іс-шараға өңірлік этномәдени бірлестіктердің басшылары, қала жұртшылығы, ақсақалдың жақын туыстары қатысты.

Толығырақ

Пушкинді оқимыз

«Ақмола облысының орыс қауымы» ҚБ орыс халқының Ұлы ақыны Александр Пушкиннің туған күніне орай «Читаем Пушкина» атты орайластырылған балалар сайысын өткізді. Сайысқа Ақмола облысының 40-тан аса оқушылары қатысып, әділ- қазылар алқасына А.С. Пушкиннің шығармаларынан үзінділерді бейнежазылым арқылы назарларына ұсынды.

Толығырақ

Сенатта ашаршылық туралы құжаттардың жинағы таныстырылды

Саяси қуғын-сүргін және ашаршылық құрбандарын еске алу күні қарсаңында Сенатта Мемлекет басшысының тапсырмасы бойынша жарық көрген «Ашаршылық. Голод. 1928-1934. Деректі хроника» атты жаңа еңбекті көпшілікке таныстыру рәсімі өтті. Үш томдық жинаққа зобалаң жылдарға қатысты тың деректер мен құжаттар енген. Олардың біразы бұған дейін еш жерде жарияланбаған және Қазақстан ғылымында бұрын-соңды айтылмаған. Ал, кітаптағы кейбір анықтама, бұйрық, қарар сияқты құжаттар көпке дейін аса құпия мәлімет ретінде сақталып келген. Сондықтан ашаршылық жылдарының аса маңызды хронологиясын дайындап шыққан ғалымдар мен тарихшыларымыздың еңбектерін ерекше атап өткен жөн.

Таныстыру рәсіміне осы тақырыпты кеңінен зерттеп жүрген белгілі ғалымдар мен тарихшылар, редакциялық алқаның мүшелері, кітапты құрастырушылар, Парламент депутаттары, саясаттанушылар, өлкетанушылар және жоғары оқу орындарының докторанттары қатысты.

Өз сөзінде Сенат Төрағасы Мәулен Әшімбаев Тәуелсіздіктің 30 жылдығы аясында осындай іс-шаралардың маңызы зор екенін айтты.

«Тәуелсіздігімізді ұлықтау сәтінде тойға емес, ойға басымдық беру, өткенімізден өнеге алу – біздер үшін зор міндет. Мемлекет басшысы 30 жылдықты атап өтуге арналған алғашқы отырыста осы мәселеге баса мән берді. Президентіміз айтқандай, егемендіктің бүгінгі белесі елдің жаңа келбеті мен ұлттың жаңа болмысын қалыптастыруға қызмет етуі керек. Бұл ретте, тарихи сананы жаңғыртатын және бостандықтың қадір-қасиетін арттыратын іс-шаралар аса маңызды», – деді Мәулен Әшімбаев.

Осы тұрғыдан келгенде, ашаршылық тақырыбын көтерудің терең мәні бар екенін айтқан Сенат Төрағасы тәуелсіздік алғаннан кейін елімізде бұл бағытта ауқымды жұмыстар жүргізілгенін тілге тиек етті.

«Тәуелсіздік алған соң ғана Елбасымыз Нұрсұлтан Әбішұлы Назарбаевтың бастамасымен тарихымыздың соқтықпалы, соқпақты жолдарына ерекше көңіл бөлінді. Осы бағыттағы мәселелер мемлекеттік деңгейде көтеріліп, тиісті зерттеулер жүргізілді. Соның нәтижесінде ашаршылық бір әулеттің немесе ауылдың ғана емес, сол кездегі тұтас халықтың басына түскен үлкен қасірет екені ашық айтылды. Дегенмен, әлі де болса ашылмаған ақиқаттар мен жазылмаған жайттар бар», – деді Мәулен Әшімбаев.

Сондай-ақ, Палата Спикері кітапты дайындау барысында Мемлекет басшысының тапсырмасына сәйкес Сенат осы тақырыпқа қатысты тарихи құжаттарды жан-жақты зерттеу және талдау жұмыстарын ұйымдастырғанын атап өтті. Сол кездегі нақты деректер мен архив материалдарын жариялау ақтаңдақ жылдардың себеп-салдарын кеңірек зерттеуге мол мүмкіндік беретіні сөзсіз.

Толығырақ

Поляктардың депортациялануы

А.ж. 31 мамырында Ақмола облысы поляктар бірлестігінің ұйымдастыруымен «Қоғамдық келісім»  КММ саяси қуғын-сүргін құрбандарын еске алу күніне арналған дөңгелек үстел өтті. Оның жұмысына мемлекеттік органдардың қызметкерлері, поляк қоғамдық бірлестігінің мүшелері,  депортацияланған поляктардың ұрпақтары қатысты.

«Қоғамдық келісім»  КММ басшысы Е. Б. Нұғыманов өзінің кіріспе сөзінде ХХ ғасырдағы саяси қуғын-сүргін  – Қазақстанға жазықсыз жер аударылған адамдар - поляктардың, немістердің, кәрістердің және басқа да этностардың ғана емес, қазақтардың да миллиондаған өмірін қиған көпұлтты Қазақстан халқының тағдырындағы қайғылы оқиға екенін атап өтті.

Толығырақ

1 2 3 77