Қазақстанда 100 мыңнан астам корей тұрады. Бүгінгі таңда Корей диаспорасы экономиканың дамуына, мәдениеттің өсуіне, елдің бүкіл рухани өміріне белсенді қатысады. Бүгінде корейлер көпұлтты қазақстандық қоғамның құрамдас және ажырамас бөлігіне айналды.
Қазақстан корейлер қауымдастығы республикалық қоғамдық бірлестігі Қазақстандық корейлердің ұлттық мәдениеттін дамытумен, мемлекеттік және корей тілін үйренумен, корей ұйымдарының беделін нығайтумен, екі ел арасындағы халықаралық мәдени және экономикалық байланыстарды жолға қоюмен, қоғамдағы этносаралық келісімді сақтаумен айналысатын белсенді ұйым болып табылады. ҚКҚ-ның әр облыста, Алматы, Астана қалаларында өз өкілдіктері бар.
