ҚХАА Медиация кеңесінің қорытынды отырысы өтті
3 қарашада Қазақстан халқы Ақмола ассамблеясы Медиация кеңесінің қорытынды отырысы өтті. Кездесу Z00M конференциясы форматында өтті.
Отырыс барысында «Қоғамдық Келісім» ҚМУ мен ҚХАА медиация кеңесінің 2023 жылдағы жұмысының қорытындысы шығарылып, алдағы жылға арналған жұмыс жоспарлары айтылды.
Келесі болып күн тәртібінде медиация кеңесінің төрағасын қайта сайлау өтті. Кеңес мүшелерінің бірауыздан қабылданған шешімімен төрайым болып кәсіби медиатор-тренер Мадиева Гүлнар Серікқызы сайланды. Сонымен бірге, Кеңес мүшелерінің бірауыздан шешімімен Оспанова Дариға Қазбекқызы (Ақмола облысының кәмелетке толмағандардың істері жөніндегі мамандандырылған ауданаралық сотының төрайымы) және Наталья Михайловна Нагачевская («Ақмола облысының поляктар одағы» ҚБ төрайымы) құрамға кірді.
Іс-шара соңында медиация саласындағы іс-шараларға белсенді қатысқаны үшін «Қоғамдық Келісім» КММ басшысы Нұғманов Е.Б. атынан Нұрманова Ғ.А., Оспанова Д.Қ., Мадиева Г.С. Алғыс хаттар табыс етілді.
