Ардагерлерді құттықтады
Қарт адамдарды қолдау айлығы аясында “Қазақстанның орыс, славян және казак ұйымдарының қауымдастығы” Ақмола филиалы еңбек ардагерлерімен кездесу ұйымдастырды. Олардың арасында әртүрлі мамандықтар мен ұлт өкілдері бар. Барлығы 25 адам. Кейбіреулер қазір де қоғамдық ұйымның қызметіне қатысады. Қауымдастық атынан, зейнеткерлерді Наталья Васильевна Замолоцких құттықтап, оларға зор денсаулық, ұзақ өмір тіледі, естелік сыйлықтар табыс етті.
Концерттік бағдарламаға ҚОСҚҰҚ, қоғамдық ұйымдарының көркем өнерпаздар әртістері қатысып, олардың орындауында қазақ, орыс және казак әндері шырқалды. Залда отырған қөрермен қошемет білдіріп, қосылып ән шырқады. Кездесу жылы, достық атмосферада өтті.
