«Қоғамдық келісім» КММ

2022 жылғы 29 қазанда «Қоғамдық даму» орталығы КММ мен «Қоғамдық келісім» КММ бірлесіп, «Шоқан жолдары» қоғамдық бірлестігінің құрылғанына 10 жыл толуына арналған дөңгелек үстел өткізді.

Дөңгелек үстел жұмысына ғылыми зиялы қауым өкілдері, ЖОО студенттері қатысты. Қатысушылар Шоқан Уәлихановтың ескерткішіне гүл шоқтарын қойып, «Шоқан ізімен» көрмесін тамашалады.

«Шоқан жолдары» клубының төрайымы Раушан Нұрханқызы Иманжүсіп Ш.Уәлихановтың мұрасын зерттеу жөніндегі ғылыми-зерттеу және қоғамдық жұмысы туралы айтып берді. Іс-шараға қатысушылар мен қонақтар алдында профессор Р.К. Мұсаходжаева сөз сөйледі, «Серпін» домбырашылар ансамблі өз өнерлерін паш етті. Композитор, «Шоқан ізімен» симфониялық поэмасының авторы Жармұхамет Тасқын, көркемдік жетекші Сапуанов Ерболат, жазушы Ерболат Баятұлы, Ш.Уәлиханов атындағы КУ-ң оқытушысы Борис Крамаренко кәсіби тәжірибелерімен бөлісті.

Кездесу жылы достық көңіл-күйде өтті, қатысушылар «Шоқан жолдары» клубының мүшелеріне ғылыми және білім беру қызметінде табыс тіледі. Дөңгелек үстел жұмысына «Қоғамдық келісім» КММ басшысы Е.Б.Нұғыманов қатысты.