«Қоғамдық келісім» КММ

А.ж. 27 сәуірінде А. Мырзахметов атындағы Көкшетау университетінде Қазақстан халқы Ассамблеясы кафедрасының базасында «Чинсон» корей мәдени орталығының төрайымы  Лим Л. К. студенттермен кездесуі өтті. Кездесу ҚХАА жанындағы ғылыми-сараптамалық топ мүшелерінің қатысуымен «Қазақ тәрбиесі жүйесіндегі ар мен абырой» тақырыбында дөңгелек үстел форматында орын алды.

ҒСТ мүшесі, психология ғылымдарының докторы А. Х. Кукубаева қазақ халқының тарихы туралы айтып, қазақтардың ең басты  ерекшеліктері – ашықтық, қонақжайлылық, үлкендерді, өз дәстүрлерін құрметтеу, отбасылық құндылықтарды сақтау екеніндігіне тоқталды.

Корей этномәдени орталығының төрайымы Лим Людмила Константиновна корейлердің Қазақстанға жер аударылуын еске ала отырып, қиын жылдары олардың аман қалуына көмектескен, олармен баспана және соңғы нанымен бөліскен, толеранттылығы мен қонақжайлығы,өзгеге деген  ыстық ықыласы ерекше  қазақ халқына зор алғысын білдірді.

Кездесу еркін атмосферада өтіп, спикерлердің сөйлеген сөздері жас тыңдаушылардың қызығушылығын тудырды, олар көптеген сұрақтар қойды. Іс-шара соңында Лим Л. К. ҚХА кафедрасына тәрбие беру бойынша корей тілінде жазылған  кітаптар сыйлады.