«Қоғамдық келісім» КММ

Бүгін Достық үйінде Ақмола ассамблеясының мүшесі, «Мәдениет саласының үздігі» төсбелгісінің иегері Авилова Зоя Николаевнаны 75 жылдығымен құттықтады.

Зоя Николаевна 2000 жылдан бастап «Русская песня» халық ансамблінің жетекшісі болып келеді. Көркемөнерпаздар халық шығармашылығын насихаттаудағы қосқан үлесі үшін ол ҚХА «Бірлік» Алтын медалімен, «Қазақстан Республикасының Тәуелсіздігіне 10 жыл», «Қазақстан халқы Ассамблеясына 20 жыл» медальдарымен марапатталған.

ҚХА Хатшылығының Меңгерушісі М. Әзілханов пен «Қоғамдық келісім» КММ басшысының атынан денсаулық пен шығармашылық табыстарға деген жылы тілектерімен мекеме басшысының орынбасары А. Б. Нұрмағанова Алғыс хаттар табыс етті.

Мерейтой иесін этномәдени бірлестіктердің басшылары мен әріптестері де айтулы мерекесімен құттықтады.