«Қоғамдық келісім» КММ

17 қаңтарда «Қоғамдық келісім» КММ-де Ақмола облысының Азаматтық секторының қатысуымен ел президенті Қасым-Жомарт Тоқаевтың а. ж. 11 қаңтардағы ҚР Парламенті Мәжілісінің отырысында сөйлеген сөзін талқылау бойынша диалог алаңы өтті.

Іс-шараға саяси партиялардың, кәсіподақ, қоғамдық ұйымдардың, ғылыми қоғамдастық пен зиялы қауым өкілдері қатысты.

Модераторлар ретінде «Қазақстанның Азаматтық Альянсы» ЗТБ Ақмола филиалының мүшелері Шуль Владислав пен Жүзенов Руслан қатысты.

Алаңда облыстың саяси партиялары мен қоғамдық бірлестіктерінің Мемлекет басшысының бастамаларына қатысты пікірлерін тыңдау маңызды болды.

Сөз сөйлеушілер ел Президентінің сөйлеген сөздерін қолдап, оның өмірдің барлық салалары мен халықты толғандырған мәселелерді қозғағанын және оның сөздері үлкен оптимизммен қабылданғанын атап өтті.

ҚХАА ғылыми-сараптама тобының төрағасы, А.Мырзахметов атындағы Көкшетау университетінің ғылыми жұмыс жөніндегі проректоры А. К. Капышев өз сөзінде оқушы жастардың проблемалары – жоғары білімнің қолжетімділігі, ЖОО түлектерінің жұмысқа орналасуы туралы көбірек айтып, уәкілетті мемлекеттік органдарға жастарды дамытудың өңірлік бағдарламасын әзірлеуді ұсынды.

Ақмола облысы Кәсіподақ орталығының төрағасы Қ.C. Рахметов партиялар мен қоғамдық бірлестіктерді Президент айналасында бірігуге шақырып, кәсіподақтар ұжымдық шарттарға сүйене отырып, өз мүшелерінің еңбек және әлеуметтік-экономикалық құқықтары мен мүдделерін қорғауға сапалы түрде қол жеткізетінін атап өтті.

«Қоғамдық келісім» КММ басшысының орынбасары А.М. Раисов этномәдени бірлестіктер Қазақстан халқы Ассамблеясының Төрағасы Қ. К. Тоқаевтың елдегі ұлттық қауіпсіздікті, қоғамдық тұрақтылық пен келісімді нығайту жөніндегі батыл әрекеттерін бірауыздан қолдағанын атап өтті.

Сөз сөйлеген «Ауыл», «Қазақстанның Халық партиясы», «Нұр Отан» саяси партияларының облыстық филиалдарының және ЖСДП өкілдері А.С. Аяпергенова, Л. А. Луговская, Б. З. Жупинов және В. Л. Смоквин қазақстандық қоғамды ҚР Президентінің айналасына топтастыру туралы тезисті қолдады, Мемлекет басшысына өз бастамаларын дәйекті және табанды түрде жүзеге асыруға, өз азаматтарының лайықты өмір сүруін қамтамасыз етуге тілек білдірді.

Дөңгелек үстелге қатысушылар Ақмола облысының Азаматтық альянсы алаңында өңірдің қоғамдық-саяси, әлеуметтік-экономикалық өмірінің маңызды бағыттары бойынша пікірталастар өткізу туралы модераторларды қолдады.