«Қоғамдық келісім» КММ

26 мамыр күні «Қоғамдық келісім» КММ қабырғасында ҚР Парламенті Мәжілісіндегі Қазақстан халқы Ассамблеясының депутаттық тобының жетекшісі Сауытбек Абдрахманов Қазақстан халқы Ақмола ассамблеясының активімен кездесті.

Дөңгелек үстел форматында Мемлекет басшысы бастамашылық еткен еліміздің негізгі заңына түзетулер енгізу бойынша алдағы Референдум туралы қатысушылар еркін әңгімелесті. Бұл Тәуелсіз Қазақстандағы үшінші референдум. Депутат атап өткендей, елдегі референдумдар мемлекет заңнамасына маңызды және елеулі түзетулер енгізу үшін өткізіледі.

Бұқаралық ақпарат құралдарында «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасы жарияланды. Жалпы негізгі заңның 33-бабына түзетулер енгізілді.

Депутат заң жобасының негізгі ережелеріне түсініктеме берді, атап айтқанда, түзетулер супер-президенттік басқару формасынан ықпалды Парламент пен Есеп беретін үкіметі бар президенттік республикаға түпкілікті көшуді бекітуге арналған. Конституциялық реформа жаңа, неғұрлым үйлесімді сайлау жүйесін ұсынады,биліктің өкілді тармағын едәуір күшейтеді, тежемелік әрі тепе-теңдік жүйесін нығайтады, өңірлер басшыларын сайлаудағы мәслихаттардың мәртебесін арттырады және т. б. өзгерістерді қамтиды.

Талқылау барысында этномәдени бірлестіктердің басшылары елдегі қазіргі жағдай туралы өз пікірлерін білдіріп, Мемлекет басшысының референдум өткізу туралы бастамасын қолдайтындарын айтты.