«Қоғамдық келісім» КММ

Жақында «Бари» армян этномәдени бірлестігінің төрағасы Н.А.Магломян 60 жасқа толды. Достық үйіне өз әріптесін құттықтауға этномәдени бірлестіктердің жетекшілері А.А.Артеменко, Р. С. Сулкарнаев, С. Г. Корнеева, М. К. Қойшин, У. Ф. Шоназаров, Н.О. Шихалиев, В. В. Погребицкий және басқалар келді.

ҚХАА хатшылығының меңгерушісі Н. Т. Әбдірахманов облыс әкімі, Қазақстан халқы Ақмола ассамблеясының төрағасы Е.Б.Маржықпаевтың құттықтау хатын мерейтой иесіне табыс етті.

Сөз сөйлегендер мерейтой иесіне жылы лебіздерін білдіріп, Норик Ашотовичтің тек белсенді қоғам қайраткері ғана емес, сонымен қатар қайырымдылық акцияларына белсене араласатынын, дарынды балаларға арналған жалпы білім беретін жеке мектеп ашқан танымал филантроп пен меценат екенін атап өтті.

Одан әрі дөңгелек үстел форматында жиналғандар облыстық Ассамблеяның қызметі, оның еліміздегі қоғамдық-саяси өмірдің жаңа жағдайындағы активі туралы мәселелерді талқылады. Сөз сөйлегендер облыстық Ассамблеяға, этномәдени бірлестіктердің басшыларына жаңа сын-тегеуріндерді ескере отырып, өз қызметін қайта форматтау, этносаралық қатынастар саласында туындайтын жағымсыз процестердің алдын алу үшін жұмыс істеу, этносаралық және конфессияаралық келісімнің қазақстандық моделін талқылау және түсіндіру үшін әлеуметтік желілерді белсенді игеру және осы алаңды пайдалана отырып, мемлекеттік тілді этникааралық қарым-қатынас тілі ретінде насихаттау және пайдалану қажет деген ортақ пікірге келді.

 

ҚХА хатшылығының меңгерушісі Н.Т. Әбдірахманов басшыларға ЭКО қызметінің мәселелерін талқылау үшін апта сайын Достық үйінде кездесуді ұсынды.