«Рождественский серпантин» атты концерт өтті
Достық үйінде «Русская песня» халық ансамблінің «Рождественский серпантин» атты концерті өтті.
Концертте «Русская песня» ансамблі, «Адажио» би студиясы, «Вьюга» вокалдық тобы өнер көрсетті. Сахнада «Русская песня» ансамблінің жетекшісі Зоя Николаевна Авилова, «Мәдениет саласының үздігі» құрмет белгісінің иегері, Қазақстан Республикасының еңбек сіңірген мәдениет және өнер қайраткері өнер көрсетті, ол Ақмола ҚХА-ның қатысуымен өткізілетін көптеген іс-шараларға белсенді қатысады.
Биыл Қазақстан халқы Ассамблеясы өзінің 30 жылдық мерейтойын атап өтуде. Қазақстан халқы Ассамблеясы мемлекетіміздің барлық этникалық топтары арасындағы бірлік пен достықты бейнелейді. 30 жыл ішінде ол біздің рухымызды нығайтты, мәдениет пен өзара түсіністіктің дамуына ықпал етті.
«Жомарт жан» республикалық орталығының отырысы өтті
15 қаңтар күні Астана қаласының Достық үйінде «Жомарт жан» республикалық орталығының отырысы өтті, оған біздің өңірдегі аталған ұйымның төрайымы, КХАА жанындағы өзбек этномәдени орталығының жетекшісі Тожибуви Медетова және «Қоғамдық келісім» мекемесінің қызметкерлері онлайн форматта қатысты.
Отырыс аясында «Жомарт жан» орталықтарының өткен жылғы қорытындылары және 2025 жылға арналған «Бірлік пен келісімнің 30 жылы» атты ҚХА 30 жылдығын өткізу бойынша және Жұмысшы мамандықтар жылы бойынша орталықтың алдағы жоспарлары талқыланды.
«Ғалиябану» ансамблі
«Қоғамдық келісім» КММ-де Ақмола облысы әкімінің орынбасары Алтынай Байқадамқызы Әміренованың Алғыс хатымен «Ғалиябану» ансамблінің және «Көкшетау» МҮ ардагерлер хорының солисті Светлана Ибрагимова 85 жылдық мерейтойына орай марапатталды. Алғыс хатты Светлана Ислямовнаға «Ақмола облысының татарлар мен башқұрттар бірлестігі» ҚБ төрағасы Р.С. Сулькарнаев табыс етті.
Ибрагимова Светлана Ислямовна «Ғалиябану» ансамблінің ардагері, қазақ, татар және орыс тілдерінде ән айтады. ҚХАА аясында көптеген концерттерге, салтанатты және тақырыптық іс-шараларға қатысады. Ағымдағы жылы Қазақстан халқы Ассамблеясының 30 жылдығына арналған көптеген іс-шаралар жоспарлануда, оған Светлана Ислямовна да белсенді қатысады деп үміттенеміз.
Г.Т.Кәрімова қоғамдық құрылымдарының басшыларымен кездесті
Бүгін Достық үйінде Ақмола облысы ішкі саясат басқармасының басшысы Г.Т.Кәрімова Ақмола Ассамблеясының этномәдени бірлестіктері мен қоғамдық құрылымдарының басшылары және «Қоғамдық келісім» мекемесінің қызметкерлерімен кездесу өткізді.
Шара барысында Қазақстан халқы ассамблеясының 30 жылдығын атап өтуге арналған шаралар талқыланды. Гүлмира Тоқтарқызы алдағы жұмыстың маңыздылығын атап, ауқымды шараны өткізуге қатысушыларды атсалысуға шақырды.
Келелі кездесу барысында этномәдени бірлестіктер мен қоғамдық құрылымдар басшылары айтулы мерекені лайықты атап өту туралы өз пікірлері мен ұсыныстарын ортаға салды.
Сонымен қатар, «Қоғамдық келісім» КММ-і жаңа басшысы Қуаныш Ғибадатұлы Шақшақов таныстырылды.
Этномәдени бірлестіктер басшыларымен кездесу
Бүгін Достық үйінде Қазақстан Республикасы Парламент Мәжілісінің депутаты Наталья Дементьева аймақтарды аралау барысында Ақмола ассамблеясы этномәдени бірлестіктер басшылары және «Қоғамдық келісім» мекемесінің қызметкерлерімен кездесу өткізді.
Дөңгелек үстел басында Наталья Григорьевна Парламентте есірткімен күрес туралы, ойынқұмарлық, алаяқтық жайлы және денсаулық сақтау мен білім беру саласына қатысты қабылданған заңдар туралы баяндап, алдағы жұмыс жоспары жайлы хабарлама жасады.
Іс-шараға қатысқандар депутатқа өздерін мазалаған сұрақтарын қойып, ұсыныстарын айтты.
