«Қоғамдық келісім» КММ

2019 жылғы 7 шілдеде Ұлттық домбыра күні аясында Қазақстан халқы Ақмола ассамблеясы «Қасиетті домбыра» акциясын өткізді. Оның негізгі мақсаты – әр отбасыда болуы тиіс қазақ ұлттық аспабы домбыраны көпшілікке танымал ету жолымен ұлттық мәдениетті сақтау және қайта жаңғырту идеясы төңірегінде қазақстандық қоғамды топтастыру. Себебі домбыра үнінен жаңғырған дала дауысын естиміз.

Көкшетау қаласының 195-жылдығына орай Қазақстан халқы Ақмола ассамблеясы «Көкшетау – менің туған өлкем» жобасын іске асырады. Оның аясында балалар мен жастар үшін Көкшетау қаласы бойынша экскурсиялар көзделген.

Іс-шараның негізгі мақсаты – туған өлкеге деген отансүйгіштік пен сүйіспеншілік сезімін тәрбиелеу. Қазақстан Республикасының Тұңғыш президенті атап өткендей, «Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады».

Республикалық акция аясында 2019 жылғы 28 маусым күні «Қоғамдық келісім» КММ-де Қазақстан халқы Ақмола ассамблеясының Аналар кеңесі «Арыс балаларына» атты қайырымдылық акциясын өткізді. Оның барысында Арыс қ. көп балалы аналары үшін жылу жинау ұйымдастырылды.

Ағымдағы жылдың 21 маусымынан бастап апта сайын сенбі күні сағат 19.00-де Достық үйінің аумағында Қазақстан халқы Ақмола ассамблеясының «Қайырлы кеш, Көкшетау» жобасы жүзеге асырылады. Оның аясында облыс орталығының тұрғындары аймақтың барлық этносының салт-дәстүрлерімен, мәденетімен, халықтық өнерімен танысатын болады.

Ағымдағы жылдың 21 маусымы күні «Қоғамдық келісім» КММ (Достық үйі) конференция залында Қазақстан Республикасының Преизденті Қ.К. Тоқаевтың Президент қызметіне ресми кірісудің салтанатты рәсімінде айтқан елді дамытудың 10 басым бағытын талқылау бойынша дөңгелек үстел өтті.

Дөңгелек үстел Қазақстан халқы Ақмола ассамблеясының этномәдени бірлестіктері, қоғамдық құрылымдар мен «Жаңғыру жолы» жастар қозғалысы өкілдерінің қатысуымен өтті.

Ағымдағы жылдың 16 маусым күні Бұқпа тауының етегінде орналасқан «Динамо» СК аумағы таңертеңнен бері адамға толы болды. Жағалай жатқан тоғайдың мекен етушілері көптеген дауыстан, музыканың біртүрлі дыбысынан, қуанышты сәлемдесуден оянды. Осы күні Қазақстан халқы Ақмола ассамблеясының қолдауымен Ақмола облысының татар және башқұрт бірлестігі жыл сайынғы Сабантой мейрамын тойлап жатты.

2019 жылғы 15 маусымда Қазақстан халқы Ақмола ассамблеясы «Санги-Кабуд» тәжік ұлттық мәдени орталығы, Ақмола облысының орыс қауымы,  «Бари» армян мәдени орталығы, Ақмола облысының «Хатиква» еврей мәдени орталығы және чуваш этномәдени орталықтарымен бірге ЦЕСНАБАНК-тің футбол алаңында жұмыс істейтін жастар арасында Қазақстан халқы Ақмола ассамблеясының Кубогына арналған шағын футболдан үшінші мәрте дәстүрлі турнир өткізді.

Ағымдағы жылдың шуақты жазғы 3 маусым күні Көкшетау қаласының Кәмелеттік жасқа толмағандарды бейімдеу орталығы Қазақстан халқы Ақмола ассамблеясының өкілдерін қарсы алды.

«Санги-Кабуд» тәжік ұлттық-мәдени орталығы» қоғамдық бірлестігінің және облыстық ассамблеяның «Жаңғыру жолы» жастар қозғалысының мүшелері балаларға сыйлық есебінде жемістер, тәттіліктер мен Қазақстан халқы Ассамблеясының эмблемасы бар үлкен торт әкелді.