«Қоғамдық келісім» КММ

2019 жылдың 5 тамызында Республикалық бірыңғай медиация күні аясында Қазақстан халқы Ақмола ассамблеясы Медиация кабинетінің ашық есік күнін өткізді.

Сағат 10:00-ден 17:00-ге дейін кез келген адам түрлі қызмет саласына жататын дауларды (жанжалдарды) реттеу бойынша тегін ақыл-кеңес сұрап, медиация арқылы даулы мәселелерді шеше алды.

Қазақстан халқы Ақмола ассамблеясы «Көкшетау – менің туған өлкем» атты жобаны іске асыруды жалғастыруда. Осы жоба аясында а.ж. 29 шілдесі күні «Әулет» мектептен тыс жұмыстар орталығы жанындағы киіз үй лагерінен келген балалар үшін сүйікті қаламыздың ескерткіш орындары бойынша экскурсия өтті.

Көкшетау қ. Достық үйіне а.ж. 30 шілдесі күні Қазақстан Республикасындағы Тәжікстан Республикасының төтенше және өкілетті елшісі Хайрулло Ибодзода және Елшіліктің бірінші хатшысы Азизджон Хафизовтар келді.

Қонақтарды Достық үйінің залында Қазақстанның еңбек сіңірген әртісі Бисара Макенованың шәкірттері орындауындағы әнмен қарсы алды. Домбыраның елітіп әкететін үні іс-шараға арқау болды. Қазақ дәстүріне тән жұмсақ бауырсақ пен қымыздан дәм татқызу нағыз үйдегідей әсер қалдырды.

Әр халықтың өз салты мен мейрамы бар. Олар көп ұлтты мемлекетімізде де жетерлік. А.ж. 28 шілдесі күні «Бари» армян этномәдени орталығы» ҚБ барша жұртты армяндардың ең сүйікті Вардавар мерекесіне шақырды.

А.ж. 22 шілдесі күні біздің қонақжайлы Көкшетау шаһарына қазақ диаспорасының өкілдері - Ресей Федерациясының Омбы және Түмен облыстарынан оқушылар келді. Бағдарлама өте мазмұнды болды. Балаларды қонаққа шақырған Ақмола облысының білім басқармасы жанындағы облыстық балалар мен жасөспірімдер туризмі, өлкетану және экология орталығының өкілдері экскурсияны сан алуан және танымдық етіп өткізуге тырысты.

Қазақстан халқы Ақмола ассамблеясы оқушыларды қуана қарсы алды. Достық үйінің залында жас домбырашылар Нұрай Қажығалиева және Малика Сатыбалдиналар «Көкшетау» әнін орындап, қонақтарға тосын сый жасады.

Көкшетауда әдемі де көрікті жерлер көп. Сондай орынның бірі – «Қоғамдық келісім» КММ-нің ғимараты (Достық үйі). Қопа көлінің жағасында орналасқан қызықты сәулет ансамблі бұрыннан қала қонақтары мен тұрғындарын өзіне тартады. Ал бірлескен өмірге қадам басқан жас жұбайлар үшін мерекелік іс-шараның ажырамас нышаны.

А.ж. 13 шілдесінде Қазақстан халқы Ақмола ассамблеясы кезекті рет достарын жинады. Осы жолы кездесуге себеп болған Көкшетаудың барша тұрғынына ортақ біздің қаламыздың 195-жылдық мейрамы еді.

Концерттік бағдарлама қызықты да мазмұнды болды. Көрермендерді Достық үйінің ұжымдары орындауындағы би және вокал нөмірлері қуантты. Жас бишілер «Этно» ансамблі өз шеберлігін көрсетті, Эми Погосян және Мэри Додоян, Оразбай Айғаным, Татьяна Кулыгина мен Ольга Юрикова дуэті орындаған атамекен туралы әндерге қол соғылып отырды. Сондай-ақ қонақтарды Қазақстанның халық әртісі Бисара Мәкенова асқан шеберлікпен өнер көрсетуі қуантып жіберді. Бағдарламаға Райымбек Тілеубай, Роксана Ибрагимова, Венера Хан, Сабит Шагатовтар да қатысты.