Бүгін біздің жерімізде тұратын 100-ден астам этнос өкілдері арасында бейбітшілік, келісім және достық күніне арналған мерекелік іс-шаралар өтті.
Мереке аясында Қазақстан халқы Ассамблеясының 30 жылдығына арналған «Бірлік жарысы» марафоны өтті, оған Ақмола ассамблеясының этномәдени бірлестіктер мен қоғамдық құрылымдар мүшелері, спорт қоғамының өкілдері мен қала тұрғындары қатысты.
Аталған спорттық шара халықты біріктіруге, салауатты өмір салтын насихаттауға бағытталған.

Үш онжылдық ішінде Ассамблея бейбітшілік пен келісімді нығайтуда, ортақ мақсатымыз – тәуелсіз әрі гүлденген Қазақстанды құруда маңызды рөл атқарып келеді.
Бүгін Достық үйі жанындағы «Халық Достығы» скверінде Қазақстан халқы Ассамблеясының 30 жылдығына орай «Таза Қазақстан» республикалық акциясы аясында ҚХАА этномәдени бірлестіктері мен қоғамдық құрылымдары өкілдерінің қатысуымен «Жасыл Ассамблея» шара барысында 30 көшет отырғызылды. Әр көшетке елімізде жасампаздық бірлігі жарасқан әр этностар тілінде «Рахмет» сөзі жазылған ленталар байланды.
Бұл іс-шара қоғамдық санада халықтың экологиялық жауапты мінез-құлқын және табиғатқа ұқыпты қарауды дамыту бойынша ұғымды қоғамда ілгерілетуге қызмет ететіні сөзсіз.

Іс-шараға этномәдени бірлестіктердің өкілдері, мемлекеттік органдар, ғылыми және педагогикалық қауымдастық, жастар ұйымдары мен БАҚ өкілдері қатысты. Жиынды облыс әкімі Марат Ахметжанов жүргізіп, Қазақстан халқы Ассамблеясының 30 жыл ішінде ел бірлігі мен тұрақтылығын қамтамасыз етудегі рөлін атап өтті.
Соңғы бір жылда облыста 1000-нан астам іс-шара өткізіліп, 40 мыңнан астам адам қамтылды. Бұл шаралар жастарды патриоттық рухта тәрбиелеу, отбасылық құндылықтарды насихаттау, мемлекеттік тілді дамыту және волонтерлікті ілгерілету бағыттарын қамтыды.

Ақмола облысынан «Халық әні» номинациясы бойынша ҚХАА жанындаңы «Ақмола облысының орыс қауымы» ҚБ мүшесі Эвелина Титова «Бұл ән бұрынғы әннен өзгерек» және «Реченька» әндерімен қатысты.
Фестиваль қорытындысы бойынша Эвелина Титова «Халық әні» номинациясында 1-орынға ие болып, 1-і дәрежелі дипломмен және 400 мың теңге сомасында ақшалай сыйлықпен марапатталды.
Жас дарын Эвелина Титоваға сәттілік тілейміз!

9 сәуірде «Қоғамдық келісім» КММ-де Ақмола облысы ішкі саясат басқармасының басшысы Г.Т. Кәрімованың, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Ақмола облысы бойынша департаменті басшысының бірінші орынбасары С.С. Аяғанованың, Ақмола облысы Дін істері басқармасы басшысының м.а. Б.Н. Қасеновтың, этномәдени бірлестіктер, Ақмола ҚХА қоғамдық құрылымдар, діни бірлестіктер мен саяси партиялардың өкілдерінің қатысуымен қоғамдағы сыбайлас жемқорлыққа қарсы мінез-құлық моделін ілгерілету бойынша дөңгелек үстел өтті.
Сыбайлас жемқорлыққа қарсы стретегияның негізгі басымдықтарының бірі – сыбайлас жемқорлыққа қарсы мәдениет деңгейін қалыптастыру болып табылады. Сыбайлас жемқорлыққа қарсы мәдениетті насихаттау қоғамның түрлі салаларын қамтиды, оның ішінде, білім беру мекемелері де бар. Бұл бағытта Ақмола ассамблеясының жанындағы Ақсақалдар кеңесі, Аналар кеңесі, Ғылыми-сараптамалық топ мүшелері жұмыстар атқарады. Іс-шара барысында «Балалардың болашағы сіздің қолыңызда» бейнеролигі көрсетілді.