19 тамыз күні «Қоғамдық келісім» КММ ғимаратында «Сенімен болашақ» ҚБ және Ақмола Ассамблеясы Аналар кеңесінің қатысуымен «Мектепке дайындық» тақырыбында іс-шара өтті.

Іс-шараның мақсаты –мектеп жасына дейінгі балалардың жаңа білім беру жағдайларына табысты бейімделуіне және білім берудің бір сатысынан келесі сатысына жайлы өту үшін жағдай жасау. «Мектепке дайындық» бағдарламасының міндеті балаларды мектепке оқуға дайындауда физикалық және психикалық денсаулығын сақтау және нығайту, балардың шығармашылық белсенділігін арттыру, ата-аналармен өзара ынтымақтастықты жүзеге асыру, оларды отбасындағы тәрбиенің маңыздылығын және баланы түсіне білуге бағыттау.

Бүгін этносаралық шиеленістер мен жанжалдардың туындауының алдын алу мақсатында «Қоғамдық келісім» КММ қызметкерлері: талдау және мониторинг бөлімінің басшысы А. К. Раев пен ҚХАА құрылымдарымен жобаларды іске асыру және жұмыс жөніндегі бөлім басшысы Р. Е. Ыдырысова Біржан – сал ауданы Степняк қаласының білім беру, мәдениет саласының еңбек ұжымдарымен және қала тұрғындарымен ақпараттық-түсіндіру жұмыстарын жүргізді.

Кездесу барысында қатысушыларға этносаралық қатынастар саласында жүргізіліп жатқан мемлекеттік саясаттың негізгі бағыттары жеткізілді, ҚР ҚК 174 және 180-баптары бойынша жауапкершілік, этномедиацияның этносаралық қақтығыстарды шешудегі рөлі, сондай-ақ қоғамдық келісім мен азаматтық бірегейлікті нығайту жөніндегі тиісті ақпарат түсіндірілді.

Этносаралық шиеленістер мен жанжалдардың туындауының алдын алу мақсатында «Қоғамдық келісім» КММ қызметкерлері талдау және мониторинг бөлімінің басшысы Ә.Қ. Раев және бас сарапшы С.Т. Өзбекованың Көкшетау қаласы, Абай к., 136А мекенжайы бойынша «Бисквит Мастер» аспаздық-кондитерлік үйдің ұжымымен кездесу өткізді.

Кездесу барысында қатысушыларға этносаралық қатынастар саласында жүргізіліп жатқан мемлекеттік саясаттың негізгі бағыттары жеткізілді, ҚР ҚК 174 және 180-баптары бойынша жауапкершілік, этномедиацияның этносаралық қақтығыстарды шешудегі рөлі, сондай-ақ қоғамдық келісім мен азаматтық бірегейлікті нығайту жөніндегі тиісті ақпарат түсіндірілді.

Бүгін Алматы қаласынан келген «Наири» би ансамблінің хореографы және көркемдік жетекшісі Мхеян Татевик Аветисовна «Қоғамдық келісім» КММ және армян «Бари» этномәдени бірлестігі ұйымдастырған Достық үйі би үйірмесінің қатысушыларына шеберлік сабағын өткізді.

Мастер-класс сабақ форматында өтті, онда жас бишілер би өнерінің негіздері мен озық әдістерімен, көркемдік пен импровизациямен тереңірек танысты.

Қазақ жері сан алуан этнос өкілдерінің құтты мекеніне айналған. Барлық азаматтарымыз өткен тарихы, бүгіні мен болашағы бір екенін терең ұғынады.

Бүгін ҚХА «Ел бірлігі» жобасы аясында армян этномәдени орталығы «Қоғамдық келісім» мекемесімен бірлесіп «Бірлігіміз әралуандықта» фестивалін өткізді.

Іс-шара басталар алдында фойеде тақырыптық кітап көрмесі дайындалып, армян халқының музыкалық аспаптары мен тұрмыстық заттарымен көрермендер танысты.

Қазақстан жерінде жылдар бойы түрлі этностардың бірге тату тұруы айрықша қазақстандық менталитетті қалыптастырғанын айта отырып, фестиваль қатысушыларына Ақмола облысы ішкі саясат басқармасы басшысының м. а. С.М.Кенжебаев құттықтау сөз арнап, «Бари» орталығының белсенді мүшелерін Алғыс хаттармен марапаттады.

Алматы қаласының «Наири» армян би ансамблінің, сондай-ақ Ақмола ассамблеясының этномәдени бірлестіктерінің шығармашылық ұжымдары мен солистерінің концерттік бағдарламасы ұсынылды.

Қорытынды сөзінде «Бари» армян мәдени орталығы» ҚБ төрайымы Арминэ Тороян бірлігіміз бекем, болашағымыз нұрлы екенін айтты.