Қазақстан халқы Ассамблеясы 30 жылдығына арналған шығармашылық ұжымдар республикалық фестивалінің өңірлік кезеңі аясында Көкшетау қаласында Ақмола ассамблеясы өнерпаздарының байқауы өтті.

Байқауға Көкшетау және Степногорск қаласының этномәдени орталықтарының ән және би ансамблдерінің мүшелері қатысты. Елімізде алғашқы рет ұйымдастырылған фестиваль ережесі бойынша өңірлік кезеңнің жеңімпаздары республикалық кезеңге қатысуға жіберіледі. Мәдениет саласының білікті мамандарынан құралған қазылар алқасының шешімімен Ақмола облысының татарлар мен башқұрттар бірлестігі жанындағы «Ғалиябану» халық және «Йолдыз» би ансамблі, Ақмола облысының орыс қауымы бірлестігі жанындағы «Русская песня» халық ансамблдері 2 дәрежелі дипломдармен, ал Ақмола облысының поляктар бірлестігі жанындағы «Степове квяты» ансамблі, Степногорск қаласының «60+» би ұжымы 3 дәрежелі дипломдарымен марапатталды. Ал бірінші орынға «Бұл ән бұрынғыдан өзгерек» және «Реченька» әндерін орындаған «Ақмола облысының орыс қауымдастығы» бірлестігінің мүшесі Эвелина Титова лайқты деп табылып, республикалық кезеңге жолдама алды.