Қазақстан Республикасының Мемлекеттік Туы
Ту – мемлекеттің егемендігі мен біртұтастығын білдіретін басты рәміздерінің бірі. Қазақстан Республикасының мемлекеттік Туы – ортасында шұғылалы күн, оның астында қалықтап ұшқан қыран (бүркіт) бейнеленген тік бұрышты көгілдір түсті мата. Тудың сабының тұсында тік жолақ түрінде ұлттық өрнек нақышталған. Күн, оның шұғыласы, қыран және ұлттық өрнек бейнесі алтын түстес.
Тудың ені мен ұзындығының арақатынасы – 1:2. Тәуелсіз Қазақстанның мемлекеттік туы ресми түрде 1992 жылы қабылданды. Суретші Шәкен Ниязбеков оның авторы болып табылады. «Флаг» термині нидерландының «vlag» сөзінен шыққан. Ту – белгіленген көлем мен түстегі, елтаңба немесе эмблема түрінде бейнеленген, діңгекке немесе бауға бекітілген мата. Ту ежелден елдің халқын біріктіру және оны белгілі бір мемлекеттік құрылымға сәйкестендіру міндетін атқарып келеді.
Геральдика дәстүрінде әрбір түс белгілі бір ұғымды танытады. Мәселен, аспандай көк түс адам бойындағы адалдық, тазалық пен мінсіздік қасиеттерді білдіреді. Сонымен қатар, көк түс түркі мәдениетінде терең символдық мәнге ие. Ежелгі түркілер аспанды тәңір-атаға балаған, ал олардың көк туы арғы ата-бабаларға деген адалдықты бейнеледі. Қазақстанның Мемлекеттік туында ол ашық аспанды, бейбітшілік пен игілікті білдірсе, түстің біркелкілігі еліміздің тұтастығын меңзейді.
Геральдика қағидаттарына сәйкес, күн байлық пен молшылықты, өмірді және күш-қуатты бейнелейді. Сондықтан еліміздің туындағы күн шапағаты дәулеттілік пен бақуаттылықтың символы – алтын масақ пішінінде берілген. Қазақстанның мемлекеттік атрибутикасында күннің бейнеленуі еліміздің жалпыадамзаттық құндылықтарды қастерлейтінін дәлелдейді және жаңа жас мемлекеттің жасампаздық күш-қуатын, серіктестік пен ынтымақтастық үшін әлемнің барлық еліне ашық екенін айғақтайды.
Қыран (бүркіт) бейнесі – көптеген халықтардың елтаңбалары мен туларында ерте кезден бері қолданылып келе жатқан басты геральдикалық атрибуттардың бірі. Бұл бейне биліктің, қырағылық пен кеңпейілділіктің символы ретінде қабылданды. Күн астында қалықтаған бүркіт мемлекеттің күш-қуатын, оның егемендігі мен тәуелсіздігін, биік мақсаттар мен жарқын болашаққа деген ұмтылысын танытады. Бүркіт бейнесі еуразилық көшпенділердің дүниетанымында айрықша орын алады. Олардың түсінігінде бостандық пен адалдық, өрлік пен ерлік, қуат пен ниет тазалығы тәрізді ұғымдармен ұштасып жатады. Алтын бүркіт кескіні жас егемен мемлекеттің әлемдік өркениет биігіне деген ұмтылысын көрсетеді.
Мемлекеттік тудың сабының тұсына тігінен ұзын бойына кескінделген ұлттық өрнектер – оның маңызды элементі болып табылады. Қазақ ою-өрнектері – дүниені көркемдік тұрғыдан қабылдаудың халықтың эстетикалық талғамына сай келетін ерекше бір түрі. Түрлі формалар мен желілер үйлесімін танытатын өрнектер халықтың ішкі әлемін ашып көрсететін мәнерлі көркемдік құрал болып саналады. Тудың сабын жағалай салынған ұлттық өрнектер Қазақстан халқының мәдениеті мен дәстүрін символдық тұрғыда бейнелейді.
Этномәдени бірлестік туралы мәлімет
Атауы: «Чуваш этномәдени орталығы» қоғамдық бірлестігі
Тарихи анықтама: Қоғамдық бірлестік 2014 жылдың 22 қаңтарында құрылды.
Төрайымы: Мащинская Елена Ивановна. Қазақстан халқы Ассамблеясының мүшесі.
Практикалық жұмыстың негізгі бағыттары: бірлестік Ақмола облысында тұратын чуваштар туралы деректер жинау бойынша жұмыс жүргізуде. Е.И. Мащинская жаңа заң жобаларын түсіндіріп, қала тұрғындарымен кездесулер өткізеді, облыстағы оқиғалар туралы әңгімелейді, ақпараттық-насихаттық топтар құрамында Президент жолдауын, қазақстанның «Ел бірлігі» доктринасын насихаттау және түсіндіру бойынша үлкен жұмыс жүргізеді.Қаланың және облыстың қоғамдық-саяси қызметіне белсенді қатысады, жыл сайын кәсіби Аспаздық іс-шараларға қатысады, халықаралық деңгейде қазақ халқының ұлттық тағамдарын насихаттайды -бұл да өз еліне деген патриотизм мен адалдықтың, құрметтің белгісі.
Ресурстық базасы: жастар қанаты құрылып, «Шаңырақ» тілдерді оқыту мектебінде чуваш тілін үйрену сыныбы ашылды. Чуваш этносының көрнекті қайраткерлерінің портреттік кештері өткізіледі. Орталық белсенділері «Қоғамдық келісім» КММ өткізетін іс-шараларға үнемі қатысады, орталық ашылған күннен бастап халықтың түрлі топтарына қайырымдылық көмек көрсетумен айналысады.
Негізгі жобалары: кулинарлар қауымдастығы жанында саңырау және есту қабілеті бұзылған балаларды аспаздық іс бойынша оқыту курстарын құру идеясының авторы болып табылады.
Жетістіктері: «Ұлттық Отандық аспаздықты дамытуға қосқан зор үлесі,оның халықаралық деңгейде таралуына және беделін арттыруға жәрдемдескені үшін» әлемге әйгілі vatel институтының (Франция) дипломы түріндегі халықаралық марапатқа ие. «Қазақстан тәуелсіздігіне 10 жыл», «Қазақстан Конституциясына 10 жыл» медальдары, ҚР Президенті Н.Ә. Назарбаевтың қолы қойылған Астананың 10 жылдығына арналған медаль, «Шапағат» медалі, «Қазақстан Конституциясына 10 жыл» медалі, «Қазақстан халқы Ассамблеясына 20 жыл» медалі, «Іске адалдығы үшін» медалі, «Атамекен» Ұлттық Кәсіпкерлер палатасы мемлекеттік наградасымен марапатталған.
Байланыс ақпараты: Көкшетау қ., Момыш-ұлы көшесі 62-үй, 90-пәтер, 8-701-533-85-30
Этномәдени бірлестік туралы мәлімет
Атауы: «Ақмола облысының өзбек ұлттық мәдени орталығы» қоғамдық бірлестігі
Тарихи анықтама: Қоғамдық бірлестік 2008 жылдың 22 шілдесінде құрылды.
Төрайымы: Медетова Тожибуви Усмановна. Қазақстан халқы ассамблеясының мүшесі.
Практикалық жұмыстың негізгі бағыттары: Қазақстан этностары арасындағы этносаралық қатынастар мен достықты нығайту, әлеуметтік, этносаралық жанжалдардың алдын алу. Жұмысқа орналасуға атаулы әлеуметтік көмек көрсету, Қазақстанда тұратын әлеуметтік қорғалмаған өзбектерге қолдау көрсету, облыста тұратын өзбектер туралы ақпарат жинау, Қазақстан мен Өзбекстан арасында мәдени байланыстар орнатуға және дамытуға жәрдемдесу. Қайырымдылыққа да көп көңіл бөлінеді.
Ресурстық базасы: «Қоғамдық келісім» КММ жанында кабинет жұмыс істейді, ақсақалдар кеңесі, жастар қанаты бар, «Гунча» ансамблімен ынтымақтастық орнатылған.
Негізгі жобалары: Қайырымдылық іс-шараларын, өзбек халық мерекелерін өткізу.
Жетістіктерін: Көптеген алғыс хаттармен марапатталған: «Надежда» балалар қайырымдылық қорының алғыс хаты, Көкшетау қаласы әкімінің дипломы (2014), «Нұр Отан» партиясының Алғыс хаты (2016), Көкшетау қаласы Тарих мұражайының алғыс хаты (2015), ҚР Президентінің Алғыс хаты (2015).
Байланыс ақпараты:8-702-877-71-19,8-701-535-14-90, i.n.r.i98@mail.ru, Көкшетау қ., Ғабдуллин к-сі 98-үй, 7-пәтер.
Этномәдени бірлестік туралы мәлімет
Атауы: «Қазақстанның орыс, славян және казак ұйымдарының қауымдастығы» заңды тұлғалар бірлестігінің Ақмола облыстық филиалы
Тарихи анықтама: «Қазақстанның орыс, славян және казак ұйымдарының қауымдастығы» заңды тұлғалар бірлестігінің Ақмола облыстық филиалы 2008 жылғы 29 қыркүйекте құрылды.
Төрағасы: Осиненко Геннадий Вениаминович. Қазақстан халқы Ақмола ассамблеясының мүшесі.
Практикалық жұмыстың негізгі бағыттары: этносаралық қатынастарды нығайту үшін басқа мәдени орталықтармен өзара іс-қимыл жасау. Қайырымдылық және бітімгершілік қызметті ұйымдастыру. ҚР Президенті жария еткен қоғамды идеялық топтастыру тұжырымдамасын іске асыруға қатысу, азаматтық келісімді нығайту және этносаралық қатынастарды үйлестіру.
Ресурстық базасы: «Қоғамдық келісім» КММ кабинет жұмыс істейді. Казак бірлестіктерінде орыс және казак әндерінің вокалдық ансамбльдері бар, жастар қанаттары, спорттық командалар белсенді жұмыс істейді.
Негізгі жобалары: жыл сайын орыс және казак әндерінің вокалдық фестивальдері, соның ішінде қайырымдылық, спорттық жарыстар, далалық жиындар өткізіледі. Қазақстан халқы Ақмола ассамблеясы мен облыс әкімдігі өткізетін іс-шараларға қатысу. Көкшетау епархиясы өткізетін іс-шараларға қатысу.
Жетістіктері: Осиненко Геннадий Вениаминович «Қазақстан Конституциясына 10 жыл» (2005 жыл), «Қазақстан тәуелсіздігіне 20 жыл» (2011 жыл) медальдарымен марапатталған, «Қазақстан мәслихаттарының құрметті депутаты» атағына ие.
Байланыс ақпараты: 8-777-413-05-81, gvo55@mail.ru
Этномәдени бірлестік туралы мәлімет
Атауы: «Ақмола облысының орыс қауымы» қоғамдық бірлестігі.
Тарихи анықтама: Қоғамдық бірлестік 2013 жылдың 11 қыркүйегінде құрылды.
Төрағасы: Артеменко Александр Александрович. Қазақстан халқы Ақмола ассамблеясының мүшесі.
Практикалық жұмыстың негізгі бағыттары: «Ақмола облысының орыс қауымы» ҚБ қызметінің негізгі бағыты қазақстандық патриотизмді, ұлтаралық келісім мен толеранттылықты қалыптастыруға, аймақтағы дәстүрлерді, мәдениетті, тіл мен бірлікті дамытуға, нығайтуға және сақтауға бағытталған.
Ресурстық базасы: – «Қоғамдық келісім» КММ кабинеті, орыс тілін үйренуге арналған сынып, «Ақмола облысының орыс қауымы» ҚБ жастар қанаты, «Русская песня» халықтық ансамблі.
Негізгі жобалары: «Менің Қазақстаным» вокалдық байқауы, «Крещение», «Масленица», «Славян жазбасы және мәдениеті күні», «Отбасы күні», «Кикбоксингтен чемпионаттар».
Жетістіктері: Мемлекет басшысы Н.Ә.Назарбаевтың 2 құрмет грамоталарымен, «Қазақстан халқы Ассамблеясына 20 жыл» медалімен, марапатталған.
Байланыс ақпараты:8-701-333-15-32, russkayaobshchina@mail.ru, Көкшетау қ., Абай к-сі 124-үй.
