«Қоғамдық келісім» КММ

17 қазанда Ақмола облысының ішкі саясат басқармасы жанындағы «Қоғамдық келісім» КММ-і қолдауымен «Ассамблея жастары» бірлестігі Ш. Уәлиханов атындағы Көкшетау университетінде «Вайнах» шешен және ингуш халықтарының мәдениетін дамыту қауымдастығы мүшесі Юсуп Тумгоевтың студенттермен кездесуін ұйымдастырды.

Біздің жас жерлесіміз – myМind жобасының жетекшілері мен әзірлеушілерінің бірі. Қазақстандық myМind стартапы когнитивтік функциялардың жоғалуына байланысты адамның күнделікті өмірі мен қызметіне кедергі келтіретін синдром — деменцияның (Альцгеймер ауруы) ерте белгілерін анықтауға көмектеседі. Digital Bridge 2023 іс-шарасында Юсуп 25 мың доллар көлемінде қаржыландыру алып, Astana Hub Battle жеңімпазы атанды. Бұған дейін оның стартаптарының бірі «Өз бизнесіңді құр» жобасы аясында 50 мың доллар көлемінде қаржыландыру алған болатын.

Қызықты диалог форматында өткен кездесуде Юсуп өзінің жетістіктері туралы айтып, студенттердің сұрақтарына жауап берді.

Кездесу соңында мекеме бөлімінің басшысы Әсел Сванқұлова Юсуп Тумгоевке табыс тілеп, «Қоғамдық келісім» КММ-і Алғыс хатымен марапаттады.

Осындай кездесулер барлық қатысушыларға күшті серпін беріп, жаңа биіктерге жетуге шабыттандыратыны сөзсіз.

Бұл кездесу «SHOTGUN SHOTING STARS» жобасы аясында ұйымдастырылды, оның авторы Элита Яндиева -«Ассамблеясы жастары» Ақмола филиалының мүшесі, «Вайнах» облыстық шешен-ингуш қоғамының жастар қанатының жетекшісі.