«Қоғамдық келісім» КММ

Журналистика – қызығы мен қиындығы мол, зор жауапкершілікті қажет ететін кәсіп. Әрқайсыларыңызды айқын азаматтық ұстаным, жоғары кәсіпқойлық, болып жатқан жағдайға немқұрайлы қарамау, шыншылдық ерекшелендіреді.  Сіздер ел өмірінің әрбір жетістігін өз жетістігім деп біліп, қиындығына жүрегімен беріліп, әрбір сәтті қалт жібермеуге тырысатын ақпарат саласының майталманысыздар. Кәсіби мерекелеріңіз құтты болсын!

Кәсіби мереке - бұқаралық ақпарат құралдары күні қарсаңында Қазақстан халқы Ақмола ассамблеясы жанындағы «Қоғамдық келісім» КММ Журналистер клубының мүшелерімен кездесу өтті.

«Қоғамдық келісім» КММ басшысының орынбасары А.М. Раисов клуб мүшелерін мерекемен құттықтап, клуб тұрақты жұмыс істейтін консультативтік-сараптамалық алаң ретінде толеранттылықты нығайтуға, этносаралық, Қоғамдық келісім мен азаматтық бірлікті сақтауға бұқаралық ақпарат құралдарының күш-жігерін шоғырландыруға ықпал ететінін атап өтті.

Қазақстан Республикасы Тәуелсіздігінің 30 жылдығын мерекелеу аясында Степногорск қаласында «Менің Отаным-Менің Қазақстаным» облыстық байқауының аудандық кезеңі өтті. Оған 14 халықтық қолданбалы өнер шебері қатысты.

«Қоғамдық келісім» КММ онлайн форматта «Өнер алды - қызыл тіл» тақырыбында семинар өткізді. «Қоғамдық келісім» КММ басшысы Е.Б. Нұғыманов өзінің кіріспе сөзінде Қазақстан халқы Ассамблеясының XXIX сессиясында Нұрсұлтан Назарбаев ел болашағының басты қағидаттарының бірі «мемлекеттік тілдің біріктіруші рөлі» деп айтқанын ерекше атап өтті. Мемлекеттік тілдің негізгі міндеті - өмірдің барлық саласында тілдесу құралы ретінде қызмет ету.

Маусым айының үшінші жексенбісінде Қазақстанда, әлемнің көптеген елдеріндегідей, Әкелер күні атап өтіледі.

Бұл мерекенің мақсаты - балаларды тәрбиелеу ісіне әкелердің қатысуына  жақсы жағдай жасау үшін Қазақстанда әкелер институтын құру.

Мереке қарсаңында Көкшетау қаласының №2 орта мектебінде Ақмола облысы Әкелер одағының ұйымдастыруымен дөңгелек үстел өтті. Оның жұмысына Әкелер одағының мүшелері, жас әкелер, Әділет департаментінің, Білім басқармасының өкілдері, психологтар, бұқаралық ақпарат құралдары қатысты.

А. ж. 11 маусымда Қазақстан халқы Ақмола ассамблеясы жанындағы Медиация кеңесінің отырысы өтті.

Кеңестің мақсаты - медиация институтын дамыту, медиация бойынша облыстық Ассамблеяның қоғамдық құрылымдарының қоғамдық келісім саласындағы қызметін үйлестіру және жүйелеу.

«Қоғамдық келісім» КММ басшысының орынбасары А. М. Раисов өз сөзінде, бүгіндері медиация Қазақстан халқы Ақмола ассамблеясы қызметінің басым бағыттарының бірі ретінде,  дауларды реттеудің, қоғамдағы этносаралық қақтығыстарды шешудің маңызды құралы болып табылатынын атап өтті.

Қазақстан халқы Ассамблеясының жұмысындағы басым бағыттардың бірі медиация болып саналады, өйткені ол жанжалды достық жолмен реттеуге, оның барлық тараптарын тиімді шешім қабылдауға тартуға бағытталған, ал соттағы шешім тараптардың бірін қанағаттандырмауы мүмкін. Яғни, мұнда жеңілгендер мен жеңімпаздар жоқ, өйткені жағдайдан шығу жолы өзара қолайлы.

Бүгінгі таңда медиация институты еңбек дауларын, этносаралық қақтығыстарды шешудің танымал құралына айналып, өзінің тиімділігі мен қажеттілігін дәлелдеді. Соңғы уақытта медиацияға деген сенімнің айтарлықтай артқандығы да байқалады. Адамдар даулы жағдайды шешу үшін медиатордың қызметіне бұрынғыдан көбірек жүгінуде.

Қазіргі уақытта «Қоғамдық келісім» КММ медиация кабинеті жұмыс істейді.

7-10 маусым аралығында «Қоғамдық келісім» КММ Ақан сері атындағы колледж студенттері экскурсияға келді. Колледж студенттерін Достық үйінің немен айналысатыны, Қазақстан халқының достығы мен бірлігін нығайту бойынша қандай жұмыстар атқаратыны қызықтырды.

Экскурсия барысында тыңдаушылар этномәдени бірлестіктер үшін ресурстық, мәдени және әдістемелік орталық болып табылатын, этностардың бірлігі, этносаралық келісім, жалпыазаматтық бірегейлік идеяларын қалыптастыру, қазақстандық патриотизмді насихаттаумен, мәдени-бұқаралық іс-шараларды өткізумен айналысатын облыстық Достық үйінің қызметімен танысты.

А. Мырзахметов атындағы Көкшетау университеті жанында Қазақстан халқы ассамблеясы кафедрасы жұмыс істейді. «Қоғамдық келісім» КММ облыста орын алып жатқан  этносаяси процестерге ғылыми-сараптамалық бағалауды қамтитын ақпарат және материалдармен ҚХАА қамтамасыз ететін кафедра оқытушыларымен тығыз ынтымақтастық жасайды.