«Жұлдыздар» триосы I орынды иеленіп, жеңіспен оралды
Ағымдағы жылы Астана қаласында «Майра» продюсерлік орталығының ұйымдастыруымен Л.М Гумилев атындағы Еуразиялық ұлттық университетінде «Жұлдыз болғың келсе» атты Республикалық дарынды балалар мен жасөспірімдер арасында ән байқауы өтті. Бұл конкурсқа еліміздің әр түкпірінен келген талантты балалар мен жасөспірімдер қатысты. Сахнаға көтерілген жас өнерпаздардың қай-қайсысы болсын осал болған жоқ. Десек те, талабы зор жасөспірімдер арасында ерекше көзге түскен Ақмола облысының «Жұлдыздар» триосы «Дәстүрлі ән» номинациясы бойынша I орынды иеленіп, жеңіспен оралды.
Сабантой-2018 Көкшетауда
Сабантой мерекесі татар-башқұрт халықтарының ежелден келе жатқан ұлттық мерекесі. Жыл сайын дәстүрлі түрде тойланатын еңбек мерекесі биыл да аталып өтті. Қазақстан халқы Ақмола ассамблеясының қолдауымен Ақмола облысының татарлары мен башқұрлары бірлестігі ұйымдастырған «Сабантой» мерекесі ағымдағы жылдың 17 маусымында «Бұқпа» тауының баурайында тойланды. Мерекені тойлауға этномәдени орталықтардың төрағалары, Көкшетау қаласының тұрғындары мен қонақтары келді.
Сиқырлы орам
Қоғамдық келісім сарайында «Қоғамдық келісім» КММ-нің және Қазақстан халқы Ақмола Ассамблеясы жанындағы «Сәндік-қолданбалы өнер шеберлері одағының» бірлескен ұйымдастыруымен Астана қаласының 20 жылдығына арналған «Сиқырлы орам» фестивалі өтті.
Іс-шара Дүниежүзілік бұқара алдындағы тоқыма күні қарсаңында өткізілді. Бұл мейрам өз бастамасын барша ғашықтар астанасы – Париж қаласынан алады. Аталмыш іс-шараны алғаш ұйымдастыру тоқыма шебері Даниэла Лендестің ойына келген. 2005 жылдың жаз айында ол өз құрбыларын тоқымамен айналысу үшін саябаққа жиналуға шақырады. Бұл бастама тоқыма өнерін меңгерген француз әйелдерінің ғана емес басқа да елдерге таралып, өзіндің флешмобқа айналу арқылы көпшілік назарын тез аудартады. Бұқара алдындағы тоқыма күнінің тіпті елтаңбасы да бар.
Қыз баланы отбасында және қоғамда дұрыс тәрбиелеудің жолдары
Ағымдағы жылдың 8 мамырында Көкшетау қаласы, №1 техникалық- құрылыс колледжінің ішінде жаңа ашылған «Рухани жаңғыру» кабинетінде Ақмола ҚХА жанындағы Аналар кеңесінің ұйымдастыруымен «Қыз баланы отбасында және қоғамда дұрыс тәрбиелеудің жолдары» тақырыбында дөңгелек үстел өтті. Дөңгелек үстелдің кіріспе сөзін техникалық-колледждің директоры Омаров Алпыспай бастап, қыз бала тәрбиесінің қоғамдағы рөлі жайында кеңірек тоқталып өтті. Аналар кеңесінің төрайымы Қиықова Зере Еспайқызы халық даналығының тәрбие құралдарын алға тартып, қызға қырық үйден тыю тиымының тереңде жатқан мағынасы мен мәнін түсіндірді. Сонымен қатар халқымыздың салт-дәстүр, әдет-ғұрып, тиымдарын бойына сіңіріп, ұстану болашақта бақытты ана, бақытты жар болудың кепілі екендігін жеткізді. Бүгінгі қыздардың қолында бүкіл бір ұлттың тағдыры, болашағы тұрғандығын, жауапкершілікті сезінудің маңыздылығын тарқатып, мысалдар келтіре отыра аналық кеңесін берді. Студент қыздар әсіресе Екінші дүниежүзілік соғыстың даңқты жауынгері, халық қаһарманы Бауыржан Момышұлының келіні Зейнеп Ахметованың өмірінен алынған тәлімді әңгімелерді құлшына тыңдады.
Ани мейрамханасында Халықаралық балаларды қорғау күніне орай қайырымдылық акциясы өтті
Ағымдағы жылдың 1 маусымында «Ани» мейрамханасында Халықаралық балаларды қорғау күніне орай қайырымдылық акциясы өткізілді. Қайырымдылық іс-шараға балалар мен ересектер-атап айтсақ «Көкшетау қ., ақыл-ой бұзушылықтары мен психикалық дамуы кеш балаларға арналған №1 облыстық арнайы түзету мектеп интернатының», есту және тіл кемістігі бар балаларға арналған №4 облыстық мектеп интернаты, психоневрологиялық кемістігі бар және тірек қимыл аппараты бұзылған мүгедек балаларға арналған медициналық-әлеуметтік мекемесінің тәрбиеленушілері, ата-аналары, ұстаздары шақырылды.
Мерекелік іс-шараны Қазақстан халқы Ақмола ассамблеясының жанындағы «Бари» армян мәдени орталығының төрағасы, «Ани» мейрамханасының иесі, меценат Норик Магламян ұйымдастырды.Бұл іс-шара биыл он үшінші жыл «Бари» армян мәдени орталығының «Дари добро» жобасының негізінде өткізіліп жүр. Қайырмыдылық акциясына 100 ден аса балалар шақырылды. Балаларға кең дастархан жайылып, мерекелік концерт қойылды. Әсіресе балалар би билеп, ойын ойналғанда өте белсенді болды.
Ерекше көңіл-күй, шаттық сыйлаған мереке!
Ағымдағы жылдың 1 маусымында Ақмола облысы әкімінің аппараты жанындағы «Қоғамдық келісім» КММ-де Халықаралық балаларды қорғау күніне арналған «Ертегілер елінде қонақта» атты мерекелік концерт өтті. Мерекелік іс-шараны ҚХА қолдауымен «Қоғамдық келісім» ММ, Ақмола ҚХА жанындағы Аналар үйі, этномәдени бірлестіктер ұйымдастырды. Мерекелік шара өте қызықты өтті. Кішкентай бүлдіршіндердің назарына орыс ертегісі желісімен театрландырылған «Шалқан» қойылымы көрсетілді. Сонымен бірге кішкентай қонақтарымызға әсем ән шырқалып, би биленді.
Қазақстан халқы Ақмола ассамблеясы хатшылығының бас маманы Ибраева Индира барша балаларды мерекесімен құттықтап, әрқашан аспандары ашық, дендері сау, еліміздің мақтанышы болып өркендеп, өссін деп тілек айтты. Сонымен бірге Ақмола облысы поляктар бірлестігінің төрағасы Суховецкий Александр мерекелік шараға келген барша қонақтарды, әсіресе кішкентай бүлдіршіндерді мерекелерімен құттықтап, аппақ тілегін жеткізді.
Поляктар оқыту орталығындағы соңғы қоңырау
Ағымдағы жылдың 27 мамырында Ақмола облысы әкімі аппаратының жанындағы «Қоғамдық келісім» КММ-нің сарайында Аналар күніне және оқу жылының аяқталуына байланысты мерекелік іс-шара атап өтілді. Өткізілген іс-шара Қазақстан халқы ассамблеясының қолдауымен «Ақмола облысы поляктар қауымы»және Көкшетау қаласындағы поляк тілін оқыту орталығының ұйымдастыруымен өтті.Мерекелік іс-шараға Көкшетау қаласының қонақтары мен тұрғындары, этномәдени орталықтардың басшылары,оқушы жастар, ұстаздар және ата-аналар қатысты. Ақмола облысы поляктар қауымы төрағасының орынбасары Суховецкая Людмила барша аналарды және оқушыларды шын жүрегімен құттықтап,алдағы демалысты жақсы өткізуге тілек білдірді. Оқушылар және өнер ұжымдары мерекелік бағдарламаға атсалысып,өз өнерлерін көрсетті. Әсіресе «Арман поезді» қойылымы ерекше көңіл-күй сыйлады. Кеш салтанатты мараппаттау рәсімімен және жақсы көңіл-күймен аяқталды.
Астана, сен менің жүрегімдесің!
Ағымдағы жылдың 26 мамырында «Көкшетау» мәдениет сарайында Қазақстан халқы Ақмола ассамблеясының қолдауымен «Рухани жаңғыру» бағдарламасының аясында еліміздің бас қаласы Астананың 20-жылдығына орай «Астана, сен менің жүрегімдесің» атты мерекелік концерт өтті. Мерекелік іс-шараны «Чинсон этномәдени Корей орталығы» ҚБ-гі ұйымдастырды. Мерекелік кешті Көкшетау қаласының қонақтары мен тұрғындары, этномәдени бірлестіктердің төрағалары және оқушы жастар тамашалады.
«Шаңырақ»
– осы атаумен Көкшетауда тілдерді үйрету мектебі жұмыс істейді. Мектеп атын таңдау кездейсоқ емес – себебі бұл орын өз ана тілін білгісі келетін 200-ге жуық ұл мен қыздың басын біріктірді. Қазіргі уақытта мемлекеттік тілдегі 2 топ және орыс, неміс, поляк, ингуш, армян, чуваш және татар тілі сынды Қазақстанның этникалық топтарының 7 тілден сабақтар жүргізілуде.
Помимо языков, здесь изучают страноведение, в ходе которого знакомятся с историей, искусством, литературой, обычаями этносов народа Казахстана.
Ақмола ҚХА-ның «Алжир» мұражай-мемориалды кешеніне көшпелі іс-шарасы
1997 жылдың 31 мамыр күнінен бастап Қазақстанда Саяси репрессия құрбандарын еске алу күні аталып өтіледі. Осыған орай, Қазақстан халқы Ақмола ассамблеясы Саяси репрессия құрбандарын еске алу күні қарсаңында «Алжир» мұражай-мемориалды кешеніне көшпелі іс-шара ұйымдастырды.
Шара «Ұлы Дала Елінің қасиетті мұаралары» Республикалық тарихи-экологиялық акциясы аясында өткізілді.
Оның қатысушылары Қазақстан халқы Ақмола ассамблеясы жанындағы ғылыми-сараптамалық топтың, қоғамдық келісім кеңесі, аналар кеңесі, этномәдени бірлестіктердің төрағалары, «Жаңғыру жолы» жастар қозғалысының облыстық штабының мүшелері, «Коғамдық келесім» КММ қызметкерлері болды.
Pages: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33