Жас аналар клубының ашылуы

Қазақстан халқы Ақмола ассамблеясының жанындағы аналар Кеңесінің бастамасымен, Көкшетау қаласының №6 «Нұрай» балабақшасында жас аналар клубы ашылды.

«Өз баласының тұлғалық дамуына қажетті ақпараттарды дұрыс таңдап, өмірде қолдана білу ісінде ата-аналарға ақпараттық және тәжірибемен тексерілген көмек қажет, осы ретте аналар кеңесінің орны ерекше», – дейді балабақша меңгерушісі Айгүл Маментикова. Жас аналар клубының жұмысын ұйымдасырудың негізінде жатқан  мақсаттар:  баланы тәрбиелеу мен дамытуда ата-аналардың педагогикалық мәдениеттерін арттыру, отбасы тәрбиесінің үздік үлгілерін насихаттау, ата-аналар ұжымын біріктіру, дәстүрлер мен құндылықтарды сақтауға бағытталған отбасы институтының жұмысын жетілдіру саналады.

Толығырақ

Ою мен ой

Дәл осындай атаумен, қоғамдық келісім сарайында Қазақстан халқы Ақмола ассамблеясының жанындағы халықтық сәндік-қолданбалы өнер шеберлері қауымдастығының мүшесі Үкіжан Ементаеваның қолынан шыққан туындылар топтамасы қойылған көрме өтті.

Үкіжан апа – тігіншілікпен айналысуды ешқашан ойламағанын айтады. Ол кісі ою-өрнекепен 1993 жылдан бері айналысады. Бұған себеп болған, бір жолы Наурыз мерекесіне орай сол кездегі өзі жұмыс істейтін ет комбинаты басшылығының тапсырмасы бойынша киіз үйдің безендіру ісі еді. Ал қазір  – «Сірә, бұл маған қанмен берілген болар»,- дейді шебер. Себебі ол кісінің анасы күллі ауылға киім тіккен белгілі тігінші болса, әкесі қолы алтын етікші еді.

Толығырақ

Көкшетау қаласында шешен-ингуш мәдениетінің күндері өтті

«Қоғамдық келісім» КММ ғимаратының салтанат залында шешен-ингуш мәдениеті күндерін атап өтуге арналған концерт болып өтті.
Бұл кеште «Вайнах» шешен-ингуш бірлестігі өкілдерінің өнеріне тәнті болмаған жан қалмады. Шараның мақсаты түрлі ұлттардың мәдениетін танып білу арқылы, ұлтаралық жақындықты, достықты дамыту саналады. Концерт барысында  жүрекке жылы тиер ән де айтылды, көңілді көтеріп, ерекше рух берер көркем би де биленді. Жеке дара ән орындаған таланттар Диана Тепсуркиева   мен Ашат Костоеваның өнерлері көрермендер тарапынан ерекше ықыласқа ие болды.

Толығырақ

Менің Қазақстаным!

Ақмола облысы орыс қауымдастығының бастамасымен және Қазақстан халқы Ақмола Ассамблеясының қолдауыменен жыл сайын Тәуелсіздік күні қарсаңында «Менің  Қазақстаным» вокалды әндер байқауын өткізу дәстүрге айналған.
Іс-шараның мақсаты ән өнеріне ден қойған дарынды жастардың шығармашылық тұрғыдан шыңдалуына қолдау көрсету, ұлтаралық татулық пен бірлікті насихаттау мен берік ету, сонымен қоса Ақмола облысында өмір сүретін түрлі этнос өкілдерінің тілі мен мәдениетінің ерекшеліктерін көрсету болып табылады.

Толығырақ

«Ұлы дала әуендері»

Көкшетау қаласының «Достар» мәдениет сарайында «Қазақ тілі мен әдебиеті» қоғамдық бірлестігінің бастамасымен және Қазақстан халқы Ақмола Ассамблеясының қолдауымен Тәуелсіздік күні қарсаңында және «Рухани жаңғыру» бағдарламасын жүзеге асыру шаралары аясында «Ұлы дала әуендері» атты мәдени-сазды кеш өткізілді.
Кештің басты мақсаты өскелең ұрпақ арасында халық шығармашылығын кеңнен насихаттау болып табылады.
Аталмыш кештің ашылуында сөз сөйлеген Қазақстан халқы Ақмола Ассамблеясы хатшылығының меңгерушісі Марал Жақыпова, жиналған қауымды келе жатқан Тәуелсіздік күні мерекесімен құттықтап, еліміздің мәдени және рухани өмірінде ән өнерінің алар орны ерекше екендігіне тоқталып өтті.

Толығырақ

«Киізден жасалған кәдесый» жасауға арналған шеберлік сағаты

«Қоғамдық келісім» КММ-де Қазақстан халқы Ақмола Ассамблеясының жанындағы халықтық  сәндік-қолданбалы өнер шеберлері қауымдастығының мүшесі Гүлбара Нұрқанованың жетекшілігімен кезекті шеберлік сағаты өтті. Шеберлік сағатына Көкшетау қаласының ЖОО-ы студенттері қатысып, киізден кішкентай кәдесыйлы киіз үй жасады. Шеберлік сағаты басталмас бұрын Гүлбара Намазбекқызы жастарға киіз үйдің қазақ халқының көшпелі өмір сүру салтына байланысты пайда болғандығын, оның киізден жасалуының себебі қазақтардың ата кәсібі мал шаруашылығы болғандығын және киіз үй жыл мезгілдерінің әрбіріне бейімделіп жасалатын дөңгелек пішінді тұрғын жайы екендігі туралы айтты.
Киіз үйдің ішкі жиһаздары мен қамтылулары жөнінде жастарға халықтық  сәндік-қолданбалы өнерді дамыту бойынша маман Алтынай Күлжанова әңгімелеп берді. Одан кейін шеберлік сағатқа жиналғандардың барлығы отырып кәдесыйлар жасауға кірісті. Гүлбара Нұрқанованың көрсетуімен қатысушылардың әрқайсысы киізден кішкентай киіз үй кәдесыйларын жасап өздерімен бірге естелік ретінде үйлеріне алып кетуге мүмкіндік алды.

Толығырақ

Польша поэзиясының мерекесі

«Қоғамдық келісім» сарайының салтанат залында өткізілді. Бұл шараны ұйымдастырушы поляктар бірлестігінің белсенділері мен Людмила Суховецкая бастаған бірлестік жанындағы жастар қанаты болды.
Мерекелік іс-шараға Солтүстік Қазақстан облысы мен Ақмола облысы аудандарынан арнайы шақыртылған қонақтар келді. Кеш барысында республикалық мәнерлеп оқу байқауының жеңімпаздары мен халықаралық «Kresy-2017» байқауының қатысушылары поляк халқы ақындарының туындыларын оқыды.
Мереке Әулие Миколайдың күні қарсаңында өткізілгендіктен қатысушылардың ешбірі сыйлықсыз қалған жоқ. Олар Ақмола облысы поляктары бірлестігінің төрағасы Александр Суховецкийдің қолынан бағалы сыйлықтар алды.

Толығырақ

Ән – халықтың жаны!

Дәл осындай атаумен Көкшетау қаласында «Қазақстанның орыс, славян және казактар қауымдастығы ұйымы» ЗТБ-нің ұйымдастыруымен орыс және казак ұлттарының ән фестивалі өтті.
Фестивальге Қарағанды, Теміртау, Степногорск, Көкшетау қалалары мен Ақмола облысының 7 ауданынан келген өнерпаздар қатысты.
Ақмола облысы әкімінің орынбасары Айна Мысырәлімова фестиваль қатысушылары мен көрермендерінің алдында сөйлеген сөзінде, еліміздің сәтті әрі қарқынды дамуында Ұлт Көшбасшысының атқарған рөлі ерекше екенін атап өтті. Нұрсұлтан Назарбаевтың есімімен тікелей және мәңгілікке байланысты қазақстандық мемлекеттіліктің қалыптасуы  мен бірегейлі даму үлгісінің арқасында осындай шараларды өткізуге мүмкіндік туғанын әрбір азамат сезінуі тиіс,- деп қорытындылады өз сөзін облыс басшысының орынбасары.

Толығырақ

Елбасымен бірге – қуатты Қазақстан үшін!

Халықтық қолданбалы өнер туындыларының көздің жауын аларлық сан-алуандылығы, сән-салтанатты безендірілген сахна төрі, ұлттық киім-кешек киген түрлі ұлт пен ұлыс өкілдері және «Көкшетау» мәдениет сарайының көрерменге толы залы…
Дәл осындай мерекелік толқында Қазақстан Республикасының Тұңғыш Президенті күніне орай «Рухани жаңғыру – бірлік пен келісімге бастар жол» атты Қазақстан халқы Ақмола Ассамблеясының XX сессиясы өз жұмысын бастады.

Толығырақ

Орталықтың тұсаукесері өткізілді!

«Қоғамдық келісім» сарайында Ақмола облысының «Санги-Кабуд» тәжік ұлттық-мәдени орталығының тұсаукесері өткізілді. Оның ашылуы салтанатына Көкшетау қаласына Қазақстан Республикасындағы Тәжікстан Республикасы елшілігінің бірінші хатшысы Камолудин Саидов және ҚР Тәжікстанның әскери атташесі Рустам Джумаев келді.

Толығырақ

Pages: 1 2 3 4 5 6 7 8 9 10 11 12 13 14 15 16 17 18 19 20 21 22 23 24